Auðarskóli hlýtur styrk

Auðarskóli hefur hlotið styrk úr Sprotasjóði að upphæð 500.000 kr. til að vinna að þróunarverkefninu             " Opið áhugasviðsval"   Verkefnið hófst sem tilraunarverkefni í ágúst 2013 en þetta skólaár hefur það verið formgert meira og því stillt upp sem formlegu þróunarverkefni.  Verkefnastjóri þróunarverkefnisins er Linda Traustadóttir kennari.
Í stuttu máli er um að ræða tvo tíma á viku þar sem nemendur í 8. - 10. bekk geta valið sér, hver fyrir sig,  viðfangsefni eftir áhuga.    Verkefnin geta verið nánast af hvaða toga sem er, svo framalega sem kennarar geta á einhvern hátt annast aðstoð.   Ákveðnu verklagi er síðan fylgt varðandi undirbúning, vinnu og skilum á verkefnum.  Sum verkefni eru smá ein önnur stór í sniðum og taka nokkrar vikur.
Helstu markmið verkefnisins eru:
Að nemendur geti valið verkefni sem tengjast áhuga þeirra
Að nemendur læri að þekkja áhugasvið sín.
Að nemendur geti lært að vinna sjálfstætt á eigin ábyrgð.
Að nemendur geti skipulagt og borið ábyrgð á eigin námi.
Að nemendur geri sér grein fyrir hvernig þeir geti hagnýtt sterkar hliðar sínar á skapandi hátt.

Um er að ræða afar opið námsfyrirkomulag þar sem hlutverk kennara er að vera á hliðarlínunni og aðstoða nemendur við að læra það sem þeim langar til.