|
Í dag, 20. desember eru litlu jólin í grunnskóladeild Auðarskóla. Þetta er jafnframt síðasti kennsludagur fyrir jólafrí og síðasti dagurinn sem skólabílarnir keyra fyrir frí.
Kennsla hefst aftur föstudaginn 3. janúar og þá hefst skólaakstur aftur. Leikskólinn er opin alla virka daga í fríinu en eins og áður hefur verið er hann samt lokaður á aðfangadag og gamlársdag. Við óskum öllum gleðilegra jóla og farsældar á nýju ári. Njótið jólafrísins. Sigrún Elíasdóttir rithöfundur kom í heimsókn í Auðarskóla síðast liðinn mánudag og las fyrir nemendur 3.-7.bekkjar úr nýrri bók sinni "Leitin að vorinu" sem er sú fyrsta í þríleik. Bókin er fantasía sem fjallar um tvær ólíklegar hetjur sem leita að svarinu við því hvers vegna vorið kemur ekki í Norðurheimi. Á leið þeirra verða að sjálfsögðu skrímsli og forynjur eins og í alvöru ævintýrabók. "Leitin að vorinu er æsispennandi og bráðfyndin saga ætluð átta til tólf ára lesendum. Þetta er fyrsta bókin af þremur um vinina ólíku og hættuför þeirra til að bjarga heimabyggð sinni." - - - Gunnar Helgason kom einnig í heimsókn í síðustu viku og kynnti, fyrir öllum nemendum grunnskólans, nýjustu bók sína "Draumaþjófurinn". "Í Hafnarlandi er allt eins og það á að vera og rotturnar þekkja sinn sess í lífinu: Safnarar safna mat, Njósnarar njósna, Bardagarottur halda óvinum frá og Étarar éta og hafa það gott. Efst í virðingarstiganum er Skögultönn Foringi sem öllu ræður. Einn daginn sem dóttir hennar, Eyrnastór Aðalbarn Gullfalleg Rottudís, gerir uppreisn tekur sagan óvænta stefnu; fer með söguhetjuna okkar inn í Borgina þar sem hættur eru á hverju strái og framandi rottur leika lausum hala. Sjálfur DRAUMAÞJÓFURINN er sendur til að bjarga henni - eða til að deyja!" - - - Báðar bækurnar hafa verið pantaðar inn fyrir bókasafn skólans og verða því til hjá okkur á nýju ári.  Það hafa komið spurningar um hvar eyðublaðið fyrir tónlistarskólann er.
Hér er linkur: http://www.audarskoli.is/siacutemargjaldskraacutereyethubloumleth.html Lengst til hægri á þessari síðu er þetta eyðublað það þriðja talið ofan frá. Starfsáætlun Auðarskóla fyrir starfsárið 2019-2020 er komin hér inn á vefsíðu skólans undir "útgáfa".
http://www.audarskoli.is/uacutetgaacutefa.html Allt skólahald í Auðarskóla grunnskóla-, tónlistarskóla- og leikskóladeild fellur niður miðvikudaginn 11. desember vegna veðurs.
Hlöðver Ingi skólastjóri Auðarskóla Nú hefur verið ákveðið að öll starfsemi Auðarskóla falli niður á morgun, bæði leik- og grunnskóli. Skólinn verður því lokaður á morgun 10. desember. Þessi ákvörðun er tekin með bæði hagsmuni nemenda og starfsmanna að leiðarljósi.
Það kemur síðan í ljós á morgun hvað verður ákveðið varðandi miðvikudaginn en eins og staðan er núna er líklegast að skóli falli líka niður á miðvikudaginn en það mun vera tilkynnt sérstaklega. Kær keðja, Hlöðver Ingi Skólastjóri Auðarskóla Þriðjudaginn 3. desember var Kómedíuleikhúsið með leiksýningu fyrir alla nemendur í grunnskóladeildinni og tvo elstu árgangana í leikskólanum um Leppalúða. Leppalúði hefur ávallt staðið í skugganum af Grýlu og jólasveinunum eins og segir í leikskrá og loksins fær hann að vera í sviðsljósinu. Höfunundur leikritsins er Elfar Logi Hannesson og er hann eini leikarinn í sýningunni. Nemendur skemmtu sér ágætlega á sýningunni sérstaklega yngsti árgangurinn. Auðaskóli þakkar Kómedíuleikhúsinu fyrir sýninguna.  |
|
RSS Feed
