 Nemendafélag Auðarskóla ákvað í haust að safna fé handa Unicef. Markmiðið var að safna 100.000 kr. Söfnunin hófst formlega 18. nóvember og lauk þann 5. desember á kaffihúsakvöldi nemenda. Eftirfarandi vörður voru settar í söfnuninni til að gera hana skemmtilegri:
Við 20.000 markið. Sindri Geir og Einar Björn fara með hár sitt í aflitun. Við 50.000 markið. Hlynur Snær og Benedikt Máni fara með hár sitt í aflitun. Við 75.000 markið. Íris Dröfn og Kristín Þórarinsd fá rautt og bleikt hár. Við 100.000 markið. Katrín Lilja umsjónarm.félagsstarfs fær appelsínugult hár. Eins og sjá má á myndinni tókst nemendum að ná markmiðum sínum en í heild söfnuðust rétt rúmar 100.000 krónur, sem hafa nú þegar verið afhentar Unicef. Nemendafélagið þakkar þeim fjölmörgu sem þátt tóku.  Á síðustu dögum fyrir jól er jólahátíðar minnst í stóru og smáu í Auðarskóla. Næstu daga eru helstu atburðir skólans sem tengjast jólum.
Í dag 17. desember eru litlu jólin í leikskólanum. Að þessu sinni eru þau haldin í nýjum salarkynnum leikskólans kl. 15.30. Á morgun, þann 18. desember eru jólatónleikar tónlistarskólans. Verða þeir haldnir í Dalabúð kl. 17.00 - 18.00. Þar verða jólalög í fyrirrúmi. Fimmtudaginn 19. desember eru svo litlu jólin í grunnskólanum. Þeim lýkur með hátíðarverði í Dalabúð kl. 11.30 og er heimakstur áætlaður kl. 12.30. Það er jafnframt síðasti skólaakstur ársins. Þessi skemmtilegi árstími býður ekki bara upp á jólahátíð, heldur líka válynd veður og því vissara að fylgjast vel með veðurhorfum.  Í Auðarskóla er kennd forritun í unglingdeild og er um nýung að ræða, sem farið hefur vel af stað.
Á fimmtudaginn var tóku nemendur þátt í átakinu Hour of Code. Hér er um alþjóðlegt verkefni að ræða þar sem þátttakendur eru komnir yfir 10 milljónir á heimsvísu. Nemendur leystu 20 æfingar undir handleiðslu Mark Zuckerberg, Bill Gates og fleiri stórmenna úr heimi upplýsingatækninnar. Forritun sem slík er til margra hluta nytsamleg en hún þjálfar tengingar hlutbundinnar hugsunar við óhlutbundna, þjálfar þrautalausnir og rökhugsun. Og svo er hún skemmtileg. Kennari er Kristján Meldal. |
Á næstunni
|
RSS Feed
