Архивы блогов

Kaffihúsakvöldið

29/11/2013

Fimmtudaginn 5. des. verður Kaffihúsakvöld Auðarskóla.
Húsið opnar kl. 19:00 en skemmtunin byrjar kl. 19:30 í Dalabúð. Boðið verður upp á kakó og smákökur. Það verða skemmtiatriði sem eru samin og flutt af krökkum í 6.-10. bekk skólans. Einnig verður happdrætti með glæsilegum vinningum.

Það kostar 600 kr. inn og einn happdrættismiði fylgir. Frítt er fyrir nemendur skólans og krakka undir skólaaldri. Einnig er hægt að kaupa fleiri happdrættismiða og kostar þá einn miði 100 kr.

10% af ágóða af Kaffihúsakvöldinu rennur til UNICEF.

Tekið verður við pöntunum á dagatali Auðarsóla 2014, eins og í fyrra.

Kveðja, nemendur Auðarskóla

Samræmdu könnunarprófin

28/11/2013

Niðurstöður samræmdra könnunarprófa í Auðarskóla fyrir haustið 2013 eru eftirfarandi:

4. bekkur            Meðaleinkunn                Meðalröðun
Íslenska                        6,1                               55
Stærðfræði                  6,9                               66

7. bekkur
Íslenska                  7,0                                58
Stærðfræði            6,4                                43

10. bekkur
Íslenska                        5,8                               50
Enska                 6,7                               42
Stærðfræði                 B                                 60

Meðalröðun á landsvísu er 50.

Piparkökubakstur

22/11/2013

Fimmtudaginn 28. nóvember n.k. kl. 18:00 stendur foreldrafélag Auðarskóla fyrir piparkökubakstri í Dalabúð. Nemendur og foreldrar leik- og grunnskólans koma saman; skera út deig, baka og skreyta piparkökur. Öllum verður séð fyrir deigi, en vinsamlegast komið með kökukefli, útskurðarmót og glassúr .

Nemendafélagið safnar fyrir UNICEF

20/11/2013

Tveir drengir í unglingadeild Auðarskóla fengu þá hugmynd fyrir nokkrum vikum að safna fyrir UNICEF. Nemendafélagið hefur verið að skipuleggja söfnunina undanfarið. Þar sem mikið keppnisskap er í unglingahópnum og hann alveg til í að gera eitthvað flippað var ákveðið að nota tækifærið til slíks í leiðinni.
Dalamenn og fleiri hafa verið mjög duglegir að styrkja félagsstarf nemenda þegar þeir safna fyrir skemmtunum og öðru og er hér þakkað kærlega fyrir það. Nemendur vonast til að það standi ekki á því núna þegar á að leggja öðrum lið.

Svona fer söfnunin fram núna !

Þegar söfnunarupphæðin nær:

20.000 krónum fara Sindri Geir og Einar Björn í aflitun til Helgu Dóru.
50.000 krónum fara Hlynur Snær og Benedikt Máni í aflitun til Helgu Dóru.
75.000 krónum fá Íris Dröfn og Kristín Þórarinsd rautt og bleikt hár hjá Helgu Dóru
100.000 kr fær Katrín Lilja umsjónarmaður félagsstarfs appelsínugult hár hjá Helgu Dóru.

Þeir sem hafa áhuga á að taka þátt í söfnuninni geta lagt upphæð að eigin vali inn á söfnunarreikninginn.

Söfnunarreikningur nemenda:

Númer: 0312-13-00345
Kennitala: 431210-1180

Vertu með !

Dagur íslenskrar tungu

19/11/2013

Sú hefð hefur skapast í Auðarskóla að haldið er upp á dag íslenskrar tungu með því að nemendur í 7. bekk fara yfir í leikskólann og lesa þar upp fyrir börnin.
Þar sem dag íslenskrar tungu bar nú upp á helgi var það ekki fyrr en í morgun sem nemendur fóru og lásu fyrir leikskólabörnin. Eins og sjá má á myndunum þá var bæði lesið fyrir þau yngri og eldri.

Með því að smella á myndirnar er hægt að sjá þær stærri.

Umferðafræðsla fyrir yngstu börnin

18/11/2013

Nemendur á yngsta stigi og elstu nemendur í leikskólanum skemmtu sér vel þegar þeir horfðu á leikritið um Ellu umferðartröll sem sýnt var í leikskólasalnum í dag. Leikritið fjallaði um tröllastelpu sem þurfti að bregða sér til byggða og hittir Benna. Þau lentu í ýmsum ævintýrum í umferðinni og þá kom í ljós hvað mikilvægt er að kunna umferðarreglurnar. Börn og fullorðnir geta fræðast meira um umferðina á vefnum www.ellaumferdartroll.is

Góð heimsókn

6/11/2013

Í dag urðum við þess heiðurs aðnjótandi að fá heimsókn frá Heiðaskóla í Hvalfjarðarsveit. Það voru 25 starfsmenn grunnskóla-deildar, sem mættu á svæið. Gestirnir skoðuðu skólann, fræddust um skólastarfið og spjölluðu við nemendur og starfsmenn.
Skólarnir tveir eru um margt líkir. Þeir eru báðir samreknir og eru staðsettir í sveitarfélögum sem hafa svipaðan íbúarfjölda. Þeir geta því örugglega notfært sér reynslu hvors annars í meiri mæli en þeir hafa hingað til gert. Hugsanlega er þessi heimsókn því upphafið meira og nánara samstarfi á ýmsum sviðum.

Við þökkum góðum gestum heimsóknina í morgun.

Leiksýning í Búðardal

1/11/2013

Möguleikhúsið kemur í Búðardal þriðjudaginn 5. nóvember og setur upp sýninguna Ástarsaga úr fjöllunum fyrir yngsta stigið í skólanum og leikskólann.
Leikritið, sem verður sýnt í Dalabúð, byrjar kl. 13:30 og tekur um 45 mínútur. Öll börn ná skólabíl heim.
Sýningin er í boði foreldrafélags Auðarskóla.

Kaffihúsakvöldið

Samræmdu könnunarprófin

Piparkökubakstur

Nemendafélagið safnar fyrir UNICEF

Svona fer söfnunin fram núna !

Dagur íslenskrar tungu

Umferðafræðsla fyrir yngstu börnin

Góð heimsókn

Leiksýning í Búðardal

........... Á næstunni ......

.................. Leit .................

................ Myndir ............

.......... Eldri fréttir ..........