Nú hafa verið keyptir nýir sófar í efra rými grunnskólans í Búðardal.  Sófarnir leysa af hólmi gamalt sófasett, sem elstu menn muna vart hvernær var keypt.  Var það mál manna að löngu væri orðið tímabært að bæta setaðstöðu nemenda og endurnýja sófana.

Í framhaldinu verður unnið að því að setja upp hljóðkerfi í rýminu þannig að auðvelt verði að spila þar tónlist, vera með fundi, skemmtanir  og aðrar uppákomur.  Markmiðið er að efra rýmið verði fjölnotarými í framtíðinni.

Nú í nótt komst heimasíðan aftur í loftið.  Tilkynningar og fréttir fara að birtast á síðunni á nýjan leik.

Félag leikskólakennara hefur boðað til verkfalls mánudaginn 22. ágúst næstkomandi, hafi samningar ekki náðst fyrir þann tíma. Ef af boðuðu verkfalli verður, lokar Álfadeild leikskóla Auðarskóla frá og með þeim tíma. Bangsadeild og önnur starfssemi leikskólans verður með óbreyttum hætti.

Vel verður fylgst með framvindu verkfallsins og hugsanlegum ágreiningsmálum með veitta þjónustu leikskólans í huga.

 Eyjólfur Sturlaugsson
 skólastjóri

Skólaárið 2011 - 2012 verða allnokkrar breytingar á starfsliði leikskólans. Þær Ragnheiður Bæringsdóttir, Boga Thorlasius og  María Ólafsdóttir hafa látið af störfum.  Þá hefur  Björt Þorleifsdóttir deildarstjóri fengið launalaust ársleyfi frá störfum til að sinna námi.  Í þeirra stað hafa verið ráðnar Málfríður M. Finnsdóttir, Gunnhildur Pétursdóttir þroskaþjálfi  og Guðrún Kristinsdóttir leikskólakennari.  Samfara þessu urðu eftirfarandi breytingar á mönnun deilda:
Álfadeild: Deildarstjóri Guðrún Kristinsdóttir leikskólakennari, Kristrún Jónsdóttir, leiðbeinandi, Fanney  Þóra Gísladóttir leiðbeinandi og Gunnhildur Pétursdóttir þroskaþjálfi.
Bangsadeild: Deilarstjóri Guðbjörg Hólm aðstoðarleikskólastjóri, Sigríður Jónsdóttir leiðbeinandi, Málfríður Mjöll Finnsdóttir leiðbeinandi og Christine Sarah Arndt leiðbeinandi.
Þá var ákveðið í vor að vera með dagræstingu í leikskólanum og að ráða til verksins skólaliða.  Þegar þetta er skrifað hefur ekki enn verið ráðið í þá stöðu.

Fyrir skólaárið 2011 - 2012 verða nokkrar breytingar á starfssemi Auðarskóla.  Ein þessara breytinga er að Sveitarfélagið Dalabyggð hefur kosið að endurnýja ekki samning við Samkaup á kaupum á heitum máltíðum fyrir Auðarskóla.  
Nú 2. ágúst hóf starfssemi nýtt mötuneyti Auðarskóla.  Mötuneytið er staðsett í Dalabúð og mun sjá um heitan mat í hádegi fyrir grunn- og leikskóla og morgunmat fyrir grunnskóla.  Starfsmenn verða tveir; Katrín Lilja Ólafsdóttir matráður og Sigríður Melsteð skólaliði.