Ágætu foreldrar

Fimmtudaginn 19.júní næstkomandi er áætluð vinnustöðvun hjá félagi leikskólakennara (FL) hafi ekki náðst samningar fyrir þann tíma. Í leikskóla Auðarskóla er deildarstjóri Álfadeildar félagi í FL og leggur því niður vinnu þann daginn. Vegna þessa er deildin lokuð umræddan dag og ekki hægt að taka á móti börnum. Hjóladagur sem vera á 19.júni fellur einnig niður verði af vinnustöðvun.

Þann 20. júní verður starfssemi leikskólans á ný með hefðbundnum hætti.


með bestu kveðju

Eyjólfur Sturlaugsson
skólastjóri

Nú eru komnar 60 myndir frá skemmtilegri og velheppnaðri sumarhátíð leikskólans.  Myndirnar eru inni á myndasvæði skólans.  Hér.

Síðastliðinn vetur var ljósmyndun kennd í vali í elsta aldurshópnum.   Hluti afrakstrarins er aðgengilegur á Flickrsvæði nemendanna.   Lítið endilega inn og skoðið. https://www.flickr.com/photos/krakkalakkar

Fimmtudaginn 12. júní fer leikskólinn í sína árlegu sumarferð.  Ferðaáætlunin er nú endanlega ákveðin.  Farið verður norður á Strandir  í fjöruna norður af Þorpum (ekki langt frá Hólmavík).  Lagt verður af stað upp úr kl. 9:00.

Fyrsti áfangastaður er Sauðfjársetrið á Ströndum.  Litið verður á safnið, skoðaðir heimalingar og hænur. Snæddir  ávextir og  salernisaðstaðan nýtt áður en farið verður í fjöruna.

Mjög mikilvægt er að klæða sig eftir veðri, með auka sokka.

Nesti, sem Katrín er svo væn að útbúa fyrir okkur; pizzasnúða, safa og ávexti, verður tekið með í bílana.

  Þegar komið er til baka verður farið í leiki á leikskólalóðinni. Inga Heiða ætlar að lána leikskólanum  gæfa hesta;  þá Fönix og Lubba, og verður teymt undir þeim börnum sem það vilja.

Að leik loknum mun foreldrafélagið grilla fyrir okkur.

Þó svo foreldrar komist ekki í ferðina er allir velkomnir í leik og grill. Reiknað er með að vera komin til baka milli kl. 13.00 og 13.30.

Starfsfólk leikskólans