Stóra upplestrarkeppnin í Auðarskóla fór fram í dag.  Nemendur í 7. bekk skólans kepptu um þátttökurétt í lokakeppni samstarfsskólanna á Vesturlandi.
Allir nemendur bekkjarins kepptu í tveimur umferðum.  Fyrst lásu þeir kafla úr sögu og svo sjálfvalið ljóð. Allir þátttakendur stóðu sig vel og var keppnin jöfn og spennandi.
Að lokum völdu dómarar Guðmund Þorgrímsson í fyrsta sæti, Tómas  Andra Jörgensson í annað sæti og Írisi Brynjólfsdóttur í þriðja sæti.
Dómarar keppninnar voru Björn Stefánsson, Þrúður Kristjánsdóttir og Freyja Ólafsdóttir. 
Á myndinni eru sigurvegarar keppninnar.

Óskað er eftir nokkrum foreldrum sem eru tilbúnir í að sitja í rýnihópi vegna ytra mats á starfi grunnskóladeildar Auðarskóla.  Um er að ræða einn fund, sem 6 - 8 foreldrar sitja með matsaðilum kl. 17.30 fimmtudaginn 8. mars.   Áhugasamir hafi endilega samband við Eyjólf skólastjóra í síma 899 7037 eða á netfangið eyjolfur@audarskoli.is 

This is your new blog post. Click here and start typing, or drag in elements from the top bar.

Haldin verður öskudagsskemmtun á vegum foreldrafélags Auðarskóla  í Dalabúð þann 22. febrúar .  Hefst skemmtunin  kl: 17:00.   Verðlaun verða veitt fyrir frumlegasta búninginn og „tunnan“ slegin. Nemendafélag Auðarskóla  heldur diskótek fyrir 1.–10. bekk eftir skemmtunina. Aðgangseyrir á skemmtunina er 300 kr og 200 kr kostar (auka) inn á diskótekið. Ath enginn posi er á staðnum.

Nú er búið að vinna úr mati nemenda á þemadögunum.  Ljóst er að virkni og áhugi nemenda í vinnunni var mjög mikill.

Hljómsveitirnar sem æfa í tónlistardeildinni halda áfram að gera það gott. 
Nú á dögunum var samsuða Gemlinga og No Way  valin ásamt þremur öðrum böndum úr stórum hópi unglingahljómsveita af öllu landinu, til þess að spila á Samfestingnum, sem er hið árlega Samfés ball í Laugardalhöll, þann 2 mars næstkomandi. 

Um er að ræða 20 mínútna prógram frá hverri hljómsveit og er ætlunin að spila frumsamda tónlist eingöngu.  Hljómsveitin kemur fram undir nafninu No Way eins og sjá má á veggspjaldi (sjá hér til hliðar)  sem nú hangir uppi í öllum félagsmistöðvum á landinu.  Áheyrendur í höllinni munu hlaupa á þúsundum.


Einstakt tækifæri fyrir hljómsveitina No Way og flottir fulltrúar Dalamanna hér á ferð.

Auðarskóli tók þátt í verkefninu Landsbyggðarvinir í Reykjavík og nágrenni þetta árið sem undangengin ár. Verkefni þetta gengur úr að koma með hugmyndir sem gefa fyrirheit um betri heimabyggð. Síðustu þrjú ár hafa nemendur staðið sig með afbrigðum vel og ávallt fengið verðlaunasæti. Að þessu sinni lenti skólinn í þriðja sæti og var það ritgerð Elínar Huldar Melsteð Jóhannesdóttur 9. bekk sem fékk þessi verðlaun og er hún vel að þeim komin. Það kom fram hjá formanni dómnefndar að ekki hafi verið auðvelt að velja þær ritgerðir (hugmyndir) sem ættu að fá verðlaun en var ritgerð Elínar ein af 21 ritgerð sem dómnefnd fór yfir að þessu sinni. Verðlaunaathöfnin fór fram í Reykjavík og var það Katrín Jakobsdóttir mennta- og menningarráðherra ásamt Unni Birnu Vilhjálmsdóttur sem sáu um veita verðlaunin.   

Mánudaginn, 6. febrúar, er dagur leikskólans. Í tilefni dagsins ætlum við að hafa opið hús hér í leikskólanum og foreldrar eru velkomnir á milli 9:00-11:30 og 13:30- 15:00 í heimsókn og taka þátt í starfinu með okkur. Kl. 9:30 ætlum við að vera með sameiginlega söngstund og væri gaman ef einhverjir sjá sér fært að koma og syngja með okkur.

Ömmur, afar, frænkur, frændur og/eða vinir eru velkomnir.